«Հայկական ցատկահարթակը» կօգնի Ռուսաստանին իր ազդեցությունը պահել Հարավային Կովկասում. NouvelObs

Հայաստանի և Ադրբեջանի միջև երկարատեւ հակամարտությունը չի հանդարտվում ոչ միայն դարավոր փոխադարձ ատելության և նախագահների՝ իշխանությունը հարատև պահելու ցանկության պատճառով, այլ նաև պայմանավորված նրանով, որ Ռուսաստանը չի ցանկանում կարգավորել այն, կարծում է Le Nouvel Observateur-ի սյունակագիրը: Ռուսաստանին ձեռնտու է, որպեսզի իրավիճակը ներկայիս տեսքով պահպանվի. այդ դեպքում նա կօգտագործի Հայաստանին, որի շուրջ ունի ամենամեծ վերահսկողությունը, որպես ցատկահարթակ և ի վերջո իրեն կենթարկի ողջ Հարավային Կովկասը:

Սակայն, կան նաև այլ պատճառներ, շատ ավելի քիչ օբյեկտիվ, բայց շատ ավելի բարդ, նշում է պարբերականը: Նման գործոններից մեկը Ռուսաստանն է, որը տիրապետում է անհրաժեշտ միջոցների, որպեսզի վերջ տա այս հակամարտությանը, բայց բոլորովին չի ձգտում դրան: Նա չի ցանկանա լուծել այն, քանի դեռ իրականացված չեն լինի որոշակի պայմաններ, իսկ դրա հետևանքները կարող են բավական սարսափելի լինել, ենթադրում է պարբերականը:

Վլադիմիր Պուտինի համար հատկապես կարևոր է պահպանել ռազմական ներկայությունը Հարավային Կովկասի տարածաշրջանում, մասնավորապես, Հայաստանում, այ բանից հետո, երբ նա կորցրել է իր ռազմական բազան Վրաստանում՝  Միխեիլ Սաակաշվիլի իշխանության գալուն պես, նշում է Le Nouvel Observateur-ը: Բացի այդ, նրան անհրաժեշտ է ազդեցություն ունենալ Հայաստանի կառավարության վրա, որպեսզի այն օրինակ չվերցնի Վրաստանից: Ինչ վերաբերում է Հայաստանի և Ադրբեջանի ներկայիս առաջնորդներին, նրանք երկուսն էլ գիտակցում են, որ իրենց ավտորիտար իշխանությունն ու «հավերժ նախագահությունը» կավարտվեն, հենց լուծվի Լեռնային Ղարաբաղի կոնֆլիկտը: Հետևաբար, նրանք նախընտրում են «երկարացնել իրենց նախագահության ժամկետը»՝  թեքվելով Ռուսաստանի կողմ:

Իսկ Արևմուտքը, իր հերթին, չի հասկանում և դեռ երկար ժամանակ չի հասկանա, որ Ադրբեջանին և Հայաստանին հակամարտությունը լուծելու համար անհրաժեշտ է ժողովրդավարություն, պնդում է հոդվածի հեղինակը: Խաղաղությանը հասնել հնարավոր չէ նաև՝  մեկ կամ մյուս կողմին նախապատվություն տալով: Իրադարձությունների ամենավատ զարգացումների դեպքում Հայաստանը կոչ կանի Ռուսաստանին զորքեր մտցնել տարածաշրջան՝ «խաղաղությունը ամրապնդելու» համար: Սակայն, դա միայն կհանգեցնի այն բանին, որ Մոսկվան կօգտագործի Հայաստանին «որպես ցատկահարթակ» և վերահսկողության տակ կվերցնի ողջ Հարավային Կովկասը, ասվում է հոդվածում: