Փարիզը ողջունում է ԼՂ հակամարտության կարգավորման շուրջ Վիեննայի հանդիպման արդյունքները
Քաղաքական
Ֆրանսիայի իշխանությունները ողջունում են Լեռնային Ղարաբաղի հակամարտության կարգավորման շուրջ Վիեննայում կայացած միջազգային հանդիպման արդյունքները: Այդ մասին, ինչպես տեղեկացնում Է «Արմենպրես»-ը, մայիսի 17-ին հայտարարել Է Ֆրանսիայի ԱԳ նախարարության պաշտոնական ներկայացուցիչ Ռոման Նադալը:
«Ֆրանսիան ողջունում Է Լեռնային Ղարաբաղի շուրջ մայիսի 16-ին Վիեննայում անցկացված հանդիպման արդյունքները, որը թույլ տվեց Հայաստանի ու Ադրբեջանի միջեւ վերականգնել երկխոսությունը ապրիլի 2-ից մինչեւ 5-ը տեղի ունեցած արյունահեղ բախումներից հետո»,- ասել Է Նադալը:
Նա նշել Է, որ Հայաստանի և Ադրբեջանի նախագահները հանդիպման ընթացքում պայմանավորվել են պահպանել հրադադարի ռեժիմը և հայտարարել են հակամարտության խաղաղ կարգավորման իրենց հանձնառության մասին, ինչպես նաև համաձայնել են մի շարք միջոցների ձեռնարկման, մասնավորապես, միջադեպերի հետաքննության մեխանիզմի ներդրման անհրաժեշտությանը:
«Այս պարտավորությունները շատ կարևոր նշանակություն ունեն: Ֆրանսիան հորդորում Է կողմերին՝ կատարել դրանք և որպես Մինսկի խմբի համանախագահ ռուսաստանցի և ամերիկացի գործընկերների հետ միասին կշարունակի միջնորդի դեր խաղալ»,- հայտարարել Է Ֆրանսիայի ԱԳ նախարարության ներկայացուցիչը:
ՈՒՂԻՂ ԵԹԵՐ
Ամենադիտված 
Մարիամ Փաշինյանը նոր հրապարակում է կատարել ծնողների ամուսնալուծության ֆոնին
