Մոսկվայում «անժամկետ զբոսանքներին» մասնակցում է 1.5 հազար մարդ

Մոսկվայում` Չիստիյե պռուդի պողոտայում, ընդդիմության «անժամկետ զբոսանքներին» տարբեր տվյալներով մասնակցում է 1.5-ից 2 հազար մարդ։ Ոստիկանությունը դեռևս ձեռնպահ է մնում որևէ գործողություն իրականացնելուց։

«Զբոսանքների» մասնակիցների թիվը լրջորեն ավելացել է այն բանից հետո, երբ այսօր մոսկովյան դատարանը 15 օրվա ազատազրկման դատապարտեց ընդդիմության հայտնի գործիչներից երկուսին` Ալեքսեյ Նավալնիին և Սերգեյ Ուդալցովին։

Ինչպես իրենց էջերում գրում են ռուս բլոգերները, ակցիան անցնում է բավականին «ուրախ պայմաններում», ինչին մեծապես նպաստում են թմբուկ խփող մի խումբ մարդիկ։