«Հեռավոր եղբայր Պուտինին» հիշելու ճիշտ ժամանակն է. Stern

Դեպի Եվրոպա փախստականների հոսքը դադարեցնելու և Մերձավոր Արևելքում քաղաքացիական պատերազմին վերջ տալու համար՝ Արևմուտքը Ռուսաստանի օգնության կարիքն ունի: Stern-ի հեղինակ Հանս-Ուլրիխ Յորգեսի կարծիքով՝ պատժամիջոցների վերացման և միջազգային հանրություն «հեռավոր եղբայր Պուտինին» մեկուսացումից վերադարձնելու ժամանակն է:

Շատերի համար դա կարող է տհաճ թվալ, սակայն Արևմուտքի համար Սիրիայում ռուսական ռազմական գործողությունն օգտակար էր և անհրաժեշտ, կարծում է սյունակագիրը: Ինչպես գրում է հոդվածի հեղինակը, նուրբ, սակայն իրագործելի հրադադարը, ճգնաժամի քաղաքական լուծման վերաբերյալ աներևակայելի բարդ բանակցությունները Ժնևում, «Իսլամական պետության» ծանր պարտությունները և Պալմիրայի ազատագրումն առանց ռուսական ուժերի անհնար կլիներ:

ՌԴ նախագահը, չնայած մեկուսացման, կարողացել է հասնել իր ռազմավարական նպատակին: