Թուրքական բանակը մտել է Սիրիա. Fars News

Թուրքական զինված ուժերը՝ օգտագործելով տանկերն ու բուլդոզերները, հատել են սիրիական սահմանը Նուսայբին քաղաքի հատվածում և սկսել են ամրություններ կառուցել: Այս մասին հաղորդում է թուրքական Oda.tv-ն՝ իրանական Fars News գործակալությանը հղումով:

Ավելի վաղ, Քուրդիստանի հայրենասիրական միության (ՔՀՄ) ներկայացուցիչները հայտարարել էին, որ մայիսի 21-ին տեղական ժամանակով 09:45-ին թուրք զինվորականները՝ օգտագործելով բուլդոզեր, երկու տանկ և մեծ քանակությամբ բեռնատարներ հատել էին սիրիական սահմանը Ղամիշլի քաղաքի մոտակայքում, որը գտնվում է թուրքական Մարդին նահանգում՝ Նուսայբին քաղաքի դիմաց:

Թուրքական ռազմական ղեկավարությունը հերքել է այս տեղեկությունը: