Մոսկվայի քաղաքային դատարանն անփոփոխ է թողել Pussy Riot–ի ակտիվիստուհիներին կալանքի ենթարկելու որոշումը

Մոսկվայի քաղաքային դատարանը մերժել է Pussy Riot պանկ–խմբի ակտիվիստիուհիներ Մարիա Ալյոխինայի, Եկատերինա Սամուցեվիչի և Նադեժդա Տոլոկոննիկովայի խափանման որոշումը փոխելու բողոքը, հաղորդում է Interfax–ը։

Ավելի վաղ Մոսկվայի դատարանը երկարաձգել էր ակտիվիստուհիների խափանման ժամկետը Մոսկվայի Սուրբ Ամենափրկիչ եկեղեցում սկանդալային տեսարան ցուցադրելու համար։

Երեք ակտիվիստուհիները ուրբաթ կայացած դատական նիստին մասնակցել են կալանավայրից տեսակամուրջի միջոցով։ Ակտիվիստների պաշտպանները դատարանի ուշադրությունը հրավիրել էին այն փաստի վրա, որ ակտիվիստուհիներից երկուսի խնամքի տակ են գտնվում անչափահաս երեխաներ։ Բացի այդ Տոլոկոննիկովան դատարանի որոշումը բողոքարկել էր առողջական վիճակի վատթարացման պատճառաբանությամբ։