«Ռուսական սպառնալիքի» ուժեղացումից վախենում են Բալթյան երկրները. WP

Մերձբալթյան պետությունները, որոնց շարքում են Էստոնիան, Լիտվան և Լատվիան, վախենում են, որ ԵՄ կազմից Մեծ Բրիտանիայի դուրս գալու դեպքում «ռուսական սպառնալիքը» կուժեղանա։ Այս մասին գրում է The Washington Post-ը։

Ինչպես նշվում է՝ այդ փոքր երկրները գտնվում են Ռուսաստանից «վտանգավոր հեռավորության վրա», և դրանց բարեկեցությունը մեծապես կախված է ԵՄ-ում գործերի վիճակից։ Մերձբալթիկայում կարծում են, որ բլոկից Մեծ Բրիտանիայի դուրս գալն իր հետևից կբերի Շոտլանդիայում անկախության հանրաքվեի։ Ընդ որում՝ հենց այնտեղ է տեղակայված բրիտանական միջուկային վահանը՝ «Վանգարդ» դասի սուզանավերը։

Բացի այդ, Բրիտանիայի ելքը կհանգեցի իրարանցման, երբ բրիտանացիներն ու մնացած եվրոպացիները քննարկեն իրենց հետագա հարաբերությունների բնույթը։ Բանակցությունների ժամանակ Եվրոպան կկենտրոնանա ներքին գործերի վրա, ոչ թե «արևելքից եկող արտաքին սպառնալիքի»՝ գրում է WP-ը։

Մերձբալթիկայում նաև անհանգստացած են Բրիտանիայի ելքի դեպքում ողջ Եվրոպայով մեկ հնարավոր շղթայական ռեակցիայից։ Բլոկի շատ երկրներ դժգոհ են ԵՄ քաղաքականությունից։ Նրանք վստահ են, որ Brexit-ը ձեռնտու է Ռուսաստանի նախագահ Վլադիմիր Պուտինին, որին Եվրոպայի մասնատումը թույլ կտա կիրառել «մասնատիր և տիրիր» ռազմավարությունը։