Ռամզան Կադիրովն ունի ընդամենը 1 բնակարան՝ 36 քմ մակերեսով

Չեչնյայի նախագահ Ռամզան Կադիրովն անցած տարի ունեցել է 4.1 մլն ռուբլի եկամուտ, ինչը 2 տոկոսով ավելի քիչ է, քան 2010 թվականինը։ Կադիրովի եկամտի միակ աղբյուրը, պարզվում է, նրա աշխատավարձն է, հաղորդում է Itar-Tass–ը՝ հղում անելով Չեչնիայի նախագահի մամլո ծառայությանը։

Չեչնյայի նախագահն ունի իր անվամբ գրանցած 36 քմ մակերեսով ընդամենը մեկ բնակարան։ Կադիրովի կինն ունի 209.8 քմ մակերեսով բնակարան, որում իրենց մասնաբաժինն ունեն նաև Չեչնյայի նախագահի դուստրերը՝ Այշատն ու Կարինան։

Նշենք նաև, որ Կադիրովի եկամուտը 500 հազար ռուբլիով ավելին է, քան ՌԴ նախագահ Վլադիմիր Պուտինի հայտարարագրված եկամուտը, որը կազմել է 3.7 մլն ռուբլի։