Հացադուլ հայտարարած Ուդալցովին տեղափոխել են հիվանդանոց

«Ձախ ճակատ» շարժման համակարգող Սերգեյ Ուդալցովը, ով գտնվում է վարչական կալանքի տակ, տեղափոխվել է հիվանդանոց՝ հացադուլի հետևանքով ծագած առողջական խնդիրների պատճառով, հայտնում է РБК-ն։

Ընդդիմադիր գործիչը հացադուլ է անում՝ բողոքելով դատարանի որոշման դեմ, որով ինքը դատապարտվել է 15-օրյա կալանքի՝ Մոսկվայի կենտրոնում անցկացված «անժամկետ զբոսանքների» ժամանակ թույլ տված իրավախախտումների համար։

Ինչպես Twitter-ի իր էջում գրել է «Ձախ ճակատ»-ի մամլո խոսնակ Անաստասիա Ուդալցովան, դեռ երեկ ընդդիմադիր գործչի արյան մեջ կտրուկ նվազել է շաքարի պարունակությունը։ Սակայն, վերջինս հրաժարվել էր հոսպիտալացվել, որպեսզի կարողանա անձամբ ներկա գտնվել ՌԴ Քննչական կոմիտեում կազմակերպվելիք հարցաքննությանը։