Հանուն շահավետ դաշինքի՝ Մոսկվան կմոռանա քրդերին. Daily Telegraph

Ռուսաստանն ու Թուրքիան պայմանավորվել են համակարգել իրենց քաղաքականությունը Սիրիայի հարցով: Այդ մասին հայտարարել են երկու երկրների արտաքին գործերի նախարարները բանակցություններից հետո, գրում է Daily Telegraph-ը:

Այդպիսի դիվանագիտական վերակառուցումը կարող է խանգարել Արևմուտքին իրականացնել իր ծրագիրը՝ Սիրիայի նախագահ Բաշար Ասադի տապալման հարցով, նշում է պարբերականը: Ավելին, դա հայտարարվել էր հենց այն բանից հետո, երբ ԱՄՆ-ն համաձայնվել է Սիրիայի հարցով ռուսական դիրքորոշման հետ, առաջարկելով Մոսկվային ռազմական դաշինք՝ ընդդեմ Սիրիայի տարածքում գործող ջիհադական խմբավորումների, ինչը կրկին ձեռնտու է Պուտինին:

«Մենք կարող ենք քննարկել Ռուսաստանի հետ ցանկացած հարց, ինչպես դրական, այնպես էլ բացասական, քանի որ ընդհատված երկխոսությունը վերսկսվել է, և մեր փոխհարաբերությունները սկսեցին վերադառնալ նախորդ մակարդակին», - հայտարարել է Թուրքիայի արտաքին գործերի նախարար Մևլութ Չավուշօղլուն: