Մոսկվայում ընդդիմության ճամբարից հանել են բիոզուգարանները, երբ այդ պահին դրանցում մարդիկ են եղել
Ռուսաստան
Մոսկվայի «Չիստիե պռուդի» թաղամասում հիմնված ընդդիմության ճամբարից երկուշաբթի երեկոյան ոստիկանության աշխատակիցները տարել են բիոզուգարանները։ Twitter-ի իր միկրոբլոգում այս մասին գրել է լուսանկարիչ Դմիտրի Ալեշկովսկին։
Ինչպես ասում են որոշ բլոգերներ, զուգարաններում այդ պահին մարդիկ են եղել։ Այս մասին տեղեկացնում է BBC-ն:
Անցյալ շաբաթ ևս իշխանությունները հրապարակից հանել էին զուգարանները, սակայն այդ անգամ ընդդիմադիրներին հաջողվել էր պայմանավորվածություն ձեռք բերել` նմանատիպ զուգարաններ տեղադրելու համար։
«Իշխանությունները ծիծաղելի են։ Հանել են զուգարանները, որպեսզի դուրս վռնդեն մեզ «Չիստիե պռուդի»-ից, սակայն մեզ հաջողվեց արագ լուծել խնդիրը, մեկ ժամ անց մենք բերեցինք նորերը»,- գրում է «Սոլիդառնոստ» շարժման առաջնորդներից Իլյա Յաշինը։
Նշենք նաև, որ ավելի վաղ մոսկովյան ոստիկանությունը խոստացել էր չցրել ցուցարարների ճամբարը։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
