«Եդինայա Ռոսիան» առաջատարն է Պետդումայի ընտրություններում
Ռուսաստան
«Եդինայա Ռոսիան» առաջատարն է Պետդումայի ընտրություններում՝ տեղամասերի ընտրական հանձնաժողովների 80 տոկոս հանրագումարային արձանագրությունների տվյալների ամփոփումից հետո` հավաքելով ձայների 54,28 տոկոսը: ՌԴ Կոմկուսը 13,61 տոկոսով փոքր-ինչ գերազանցում է ՌԼԴԿ-ին, որն ունի 13.37 տոկոս: «Արդար Ռուսաստանը» հավաքել է ձայների 6,17 տոկոսը: Քվեարկության արդյունքները ներկայացված են ՌԴ Կենտրոնական ընտրական հանձնաժողովի կայքում:
Կուսակցական ցուցակներով քվեարկության արդյունքներով այլեւս ոչ մի կուսակցություն չի հաղթահարել հինգ տոկոսի արգելքը:
«Եդինայա Ռոսիան» առաջատարն է այն 206 միամանդատ ընտրատարածքներից 203-ում, որոնցում թեկնածուներ էր առաջադրել: ՌԴԿԿ-ի եւ «Արդար Ռուսաստանի» թեկնածուները հաղթում են յոթական ընտրատարածքներում, հինգում առջեւից են ընթանում ՌԼԴԿ-ի թեկնածուները:
Նախնական տվյալներով ընտողների մասնակցությունը կազմել է 47,91 տոկոս:
Պետդումայի ընտրություններն անցկացվել են սեպտեմբերի 18-ին խառը համակարգով՝ 225 պատգամավորներ ընտրվում էին կուսակցական ցուցակներով, 225-ը՝ միամանդատ ընտրատարածքներում, հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
