«Համախմբում»-ն ու ՀՅԴ-ն ևս Գյումրիում դադարեցրին քարոզարշավը

«Համախմբում» կուսակցությունը հայտարարել է Գյումրու ավագանու ընտրությունների հետ կապված քարոզարշավը ժամանակավորապես դադարեցնելու մասին: Այս մասին տեղեկացրին «Համախմբում» կուսակցության Գյումրու կառույցի մամուլի ծառայությունից:

Կուսակցության Գյումրիի կառույցի ղեկավար և ավագանու ցուցակը գլխավորող Հովհաննես Ասոյանի հայտարարության մեջ ասվում է. «Իմ և «Համախմբում» կուսակցության անունից ցավակցում եմ Գրիգորյանների ընտանիքի անդամներին ու հարազատներին Վարդևան Գրիգորյանի որդու՝ Արշակի մահվան կապակցությամբ։

Հայտնում եմ նաև, որ «Համախմբում» կուսակցությունը ժամանակավորապես դադարեցնում է Գյումրու ավագանու ընտրությունների հետ կապված քարոզարշավը»։

Քարոզարշավը դադարեցնելու մասին հայտարարություն է տարածել նաև ՀՅԴ թեկնածու Աշոտ Կուրղինյանը.

«Խորը ցավ եմ ապրում այսօր մեր քաղաքում տեղի ունեցած ողբերգության համար: Ցավակցում եմ Գրիգորյանների ընտանիքին ծանր կորստի համար: Հուսանք, որ իրականությունը կբացահայտվի և հասարակությունը կանի իր հետևությունները:

Հայ Յեղափոխական Դաշնակցություն կուսակցության Գյումրու կառույցը ժամանակավորապես դադարեցնում է նախընտրական քարոզչությունը՝ եթերից հանելով բոլոր քարոզչական հոլովակները և տեսանյութերը:

ԽԱՂԱՂՈՒԹՅՈՒՆ ՄԵՐ ՔԱՂԱՔԻՆ...»,- ասված է թեկնածուի տարածած հաղորդագրությունում: