Մոսկվայի իշխանությունները կրկին արգելել են նույնասեռականների շքերթի անցկացումը

Մոսկվայի իշխանությունները սեռական փոքրամասնություններին չեն արտոնել մայիսի 27–ին անցկացնել գեյ–շքերթ, հաղորդում է BBC Russian–ը։ 

«Մոսկվայի իշխանություններն արդեն 7 տարի է` արգելում են գեյ–շքերթների անցկացումը», – Twitter–ի իր էջում գրել է ակցիայի կազմակերպիչ Նիկոլայ Ալեքսեևը։ 

Միջոցառումը պետք է տեղի ունենար մի շարք երթերի միջոցով։ Ինչպես հայտնել են ակցիայի կազմակերպիչները, շքերթին պատրաստվում էին մասնակցել հազարից ավել նույնաասեռականներ։

2006–ից Մոսկվայի իշխանությունները վեց անգամ արգելել են նույնասեռականների շքերթի անցկացումը։