«Չելսի»-ն պայքարից դուրս թողեց «Լեսթեր Սիթի»-ին

Անգլիական լիգայի գավաթի խաղարկությունում կայացավ 1/16 եզրափակիչի 8 հանդիպում: Առաջին խաղային օրվա կենտրոնական խաղը կայացավ «Քինգ Փաուեր»-ում, որտեղ «Լեսթեր Սիթի»-ն հանդիպեց «Չելսի»-ի հետ:

Անգլիայի գործող չեմպիոնի ֆուտբոլիստները հիանալի սկսեցին հանդիպումը և կարողացան առաջին կեսում 2 գնդակ ուղարկել լոնդոնցիների դարպասը: Շինջի Օկազականին իր ակտիվում դուբլ գրանցեց: 2-րդ կեսում «Չելսի»-ն դուրս եկավ խաղադաշտ, լի վճռականությամբ' խաղադաշտում փոխել ուժերի դասավորությունը: Անտոնիո Կոնտեի ֆուտբոլիստները, ոչ միայն կարողացան հավասարեցնել խաղի հաշիվը, այլև վստահ հաղթանակի հասան: Նախ Գարի Կեհիլը և Սեզար Ասպիլիկուետան հավասարեցրին խաղի հաշիվը, այնուհետև Սեսկ Ֆաբրեգասի դուբլը «ազնվականներին» հաղթանակ պարգևեց անչափ կարևոր խաղում: «Լեսթեր»-ի կազմում 89-րդ րոպեին կարմիր քարտի արժանացավ պաշտպան Մարչին Վասիլեսկին:

Մյուս 7 հանդիպումներում գրանցվեցին հետևյալ արդյունքները.

«Բորնմուտ»-«Պրեստոն»' 2-3

«Բրայթոն»-«Ռեդինգ»' 1-2

«Դերբի Քաունթի»-«Լիվերպուլ»' 0-3

«Էվերթոն»-«Նորվիչ Սիթի» ' 0-2

«Լիդս»-«Բլեքբեռն Ռովերս»' 1-0

«Նյուքասլ»-«Վուլվերհեմփթոն»' 2-0

«Նոթինգեմ Ֆորեսթ»-«Արսենալ»' 0-4: