Վիկտոր Դալլաքյանը ֆեյսբուքին վճարում է իրեն գովազդելու համար (ScreenShot)

Վաղը քաղաքական հայտարարությամբ հանդես կգա ԱԺ նախկին պատգամավոր, ՀՀ նախագահի աշխատակազմի ղեկավարի տեղակալ և ԱԺ-ում ՀՀ նախագահի մշտական ներկայացուցիչ Վիկտոր Դալլաքյանը:

Ըստ տեղեկությունների՝ վերջինս վաղը կհայտարարի իր հրաժարականի և  ընդդիմադիր դաշտում նոր ստեղծվելիք կուսակցության մասին: 

Դալլաքյանն, ով նախկինում ևս գործել է ընդդիմադիր ֆրոնտում, կրկին կվերադառնա հարազատ միջավայր, ուր, կարծես թե, իրեն անելիքներ են թելադրված:

Նրա վերադարձի մեկնարկը, թերևս, Դալլաքյանը բավականին վատ է կազմակերպել, իրեն պատկանող շատ անհայտ մի կայքով` politinfo.org, տարածել է իր հայտարարության մասին նախնական տեղեկություն, որն էլ վճարովի հիմունքներով գովազդում է ֆեյսբուքում: 

Հետևություն` Դալլաքյանը որոշել է «կոնը» ֆեյսբուքում դնել, բայց դա այդքան էլ էական չէ, փաստորեն ընդդիմադիր դաշտ է վերադառնում իշխանության մեջ, բայց նույն իշխանությունից նեղացած Դալլաքյանը, ով կփորձի իր կուսակցությունում հավաքել իշխանություններից նեղսրտած մարդկանց` այդ կերպ վերահսկելի դարձնելով այդ խմբին:

Ահա այսպիսին է Բ26-ի սցենարիստների հերթական սյուժեն, որի իրագործողը կլինի անվանարկված այս քաղաքական գործիչը:

Այս տեմպերով շարունակելու դեպքում, հնարավոր է` այդ նույն սցենարիստները որոշեն ընդդիմադիր դաշտ գործուղղել նաև Արտաշես Գեղամյանին. ի՞նչ վատ հռետոր է:

Ն.Ա.