Ռոնալդուն շրջանցեց Զլատանին. Եվրոպական հավաքականների բոլոր ժամանակների լավագույն ռմբարկուները

Պորտուգալիայի հավաքականի հարձակվող Կրիշտիանու Ռոնալդուն եվրոպական հավաքականների բոլոր ժամանակների լավագույն ռմբարկուների ցանկում 6-րդ հորիզոնականում է: Ֆուտբոլիստն  աշխարհի առաջնության ընտրական փուլի հոկտեմբերյան խաղերում դարձել է հինգ գոլի հեղինակ:

Պորտուգալիայի հավաքականի կազմում դարձել է 66 գոլի հեղինակ, այդ թվում նաև ձևակերպել է  10 դուբլ, 3 հեթ-տրիկ և 1 պոկեր:

Գոլերից հինգը պորտուգալացին հեղինակել է Հայաստանի հավաքականի դեմ խաղերում: Ռոնալդուն գոլ չի խփել  Ֆրանսիայի, Գերմանիայի, Իտալիայի և Անգլիայի հավաքականների դարպասին:

Եվրոպակյան հավաքականնների բոլոր ժամանակների լավագույն ռմբարկուները.

1. Ֆերենց Պուշկաշ (Հունգարիա/Իսպանիա) — 84 գոլ (89 խաղ)
2. Շանդոր Կոչիշ (Հունգարիա) – 75 (68)
3. Միրոսլավ Կլոզե (Գերմանիա) — 71 (137)
4. Գերդ Մյուլեր (Գերմանիա) — 68 (62)
5. Ռոբի Քին (Իռլանդիա) — 68 (146)
6. Կրիշտիանու Ռոնալդու (Պորտուգալիա) — 66 (135)
7. Զլատան Իբրահիմովիչ (Շվեդիա) — 62 (116).