Լևոն Ալթունյանը բժիշկների համեմատ իրեն հարուստ է համարում, շատ հարուստների համեմատ՝ աղքատ
Հասարակություն
Առողջապահության նախարար Լևոն Ալթունյանը բժիշկների համեմատ իրեն հարուստ է համարում, շատ հարուստների համեմատ՝ աղքատ:
Գործադիր մարմնի նիստից հետո լրագրողների հետ զրույցում նախարարն այսպես արձագանքեց իրեն ուղղված հարցին, թե ինքն իրեն հարուստ մարդ համարո՞ւմ է, թե՞ ոչ: Պատասխանելով հարցին՝ ինչ փուլում է վարչապետի հանձնարարականը՝ ԾԻԳ-երի կրճատման գործում, նախարարը նշեց. «Ուսումնասիրական»:
Նորանշանակ նախարարը չի խուսափում հարցից և վստահեցնում է, որ, իհարկե, հանձնարարականը կկատարվի, և կկատարվի լավագույնս, պարզապես հարցն ուսումնասիրելու համար մոտ 25 օր ժամանակ կպահանջվի:
«25 օրից ինձ կարող եք հարցնել բարեփոխումների մասին»,-ասաց Լևոն Ալթունյանը:
Նախարարը ժամանակ խնդրեց նաև պատասխանելու հարցին, թե ո՞րն է ամենակարևոր փոփոխությունը, որ պետք է կատարի առողջապահության ոլորտում: Լրագրողները հետաքրքրվեցին նաև, թե ի՞նչ փոփոխություն պետք է անի, որ տարվա կեսին արդեն հիվանդանոցներում պետպատվերներով սպասարկման համար սահմանաչափն ավարտված չլինի. «Հույս ունեմ, որ մյուս տարի այս ժամանակ այս հարցը չեք տա»,-արձագանքեց նախարարը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
