Գրականության Նոբելյան մրցանակը շնորհվեց Բոբ Դիլանին
Գիտություն և Մշակույթ
Գրականության 2016 թվականի Նոբելյան մրցանակն ստացել Է 75-ամյա ամերիկացի երաժիշտ եւ հեղինակ կատարող Բոբ Դիլանը: Այդ մասին հայտարարել է Շվեդիայի ակադեմիայի մշտական քարտուղար Սառա Դանիուսը:
Նրա խոսքով՝ Դիլանը պարգեւին արժանացել Է «ամերիկյան երգի մեծ ավանդույթում պոետական կերպարների ստեղծման» համար:
Բոբ Դիլանը ծնվել Է 1941 թվականի մայիսի 24-ին Մինեսոտայի նահանգի Դուլութ քաղաքում: Երաժշտական գործունեությունից բացի, նա նաեւ հայտնի է որպես նկարիչ եւ կինոդերասան: Նրա երգերից շատերը, ինչպես, օրինակ, Blowin' in the Wind-ը եւ The Times They Are a-Changin'-ը, դարձել են ԱՄՆ-ում քաղաքացիական իրավունքների շարժման եւ հակապատերազմական շարժման հիմները:
2008 թվականի ապրիլին Բոբ Դիլանն ստացել է Պուլիտցերյան մրցանակ: Նա արժանացել է նաեւ Պատվո լեգեոնի շքանշանի եւ Ազատության նախագահական մեդալի, որն ԱՄՆ-ի բարձրագույն քաղաքացիական պարգեւներից մեկն է, հաղորդել է «Ինտերֆաքս»-ը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
