«Ռեալ Սոլթ Լեյքում» մնալու որոշումս պայմանավորված չէ փողով. Մովսիսյանի նամակը՝ երկրպագուներին

Յուրա Մովսիսյանը «Ռեալ Սոլթ Լեյքի» հետ պայմանագիր կնքելուց հետո նամակ է գրել երկրպագուներին, որից մեկ հատված ներկայացնում ենք ստորև.

«Վերջապես ես ու ընտանիքս այնտեղ ենք, որտեղ ցանկանում ենք լինել: Կարևորը ես գիտեմ, թե ինչու եմ ցանկանում այստեղ լինել: Գիտեմ պատճառներն ու պատասխանները, գիտեմ, թե ինչ է պետք անել: Սա զարմանալի զգացողություն է: Վերջին 9 ամիսները, ինչ վերադարձել եմ Յուտա՝ զարմանալի էին: Ոչինչ ավելի լավը չէ, քան այն ժպիտները, որը տեսնում եմ մարզադաշտում: Երազանք էր «Ռեալ Սոլթ Լեյք» ակումբի հետ պայմանագիր կնքելը: Կարևոր է, որ իմանաք, այստեղ մնալուս որոշումը պայմանավորված չէ փողով: Որոշումը կայացրել եմ երկրպագուների  և ակումբի համար: Մեր երկրպագուները գնահատում են աշխատասիրությունը, ցույց են տալիս իրենց սերն ու հարգանքը: Պետք է իմանանք, որ ես միշտ խաղալու եմ 150 տոկոս նվիրվածությամբ: Այստեղ ամենակարևոր զգացմունքը, որ ստանում ենք՝ սերն է: Այստեղ մարդիկ գնահատում են այն փոքր արարքները, որն անում ենք դաշտում և դրանից դուրս:

Ինչպես արդեն ասել եմ, այստեղ եմ, որպեսզի հաղթեմ առաջնությունում: Ես չեմ մտահոգվում անհատական մրցանակների մասին: Մտածում եմ՝ թիմի հետ ևս մեկ անգամ չեմպիոն դառնալու, այնպիսի թիմ կառուցելու մասին, որը լավագույնը կլինի լիգայում և ուրիշները կվախենան խաղալ: Հիմա, երբ ես տանն եմ, եկեք անենք դա»,- ֆուտբոլիստի խոսքը մեջբերում է ակումբի պաշտոնական կայքը: