Շրջանավարտը Օքսֆորդից 1 մլն ֆունտ է պահանջում անհաջող կարիերայի համար. The Guardian
Համաշխարհային Մամուլ
Օքսֆորդի համալսարանի շրջանավարտը 1 մլն ֆունտ ստեռլինգի հայց է ներկայացրել ուսումնական հաստատությանը: Հայցվորը գանգատվել է «վատ ու ձանձրալի դասավանդումից», ինչը թույլ չի տվել իրեն հաջող կարիերա անել, տեղեկացնում է The Guardian-ը:
38-ամյա Ֆայիզ Սիդիքին ժամանակակից պատմություն է ուսումնասիրել Բրասենոս-քոլեջում (Օքսֆորդի քոլեջներից մեկը): Նրա կարծիքով, ինքը հնարավորություն է ունեցել հաջողակ միջազգային փաստաբան դառնալ կոմերցիայի բնագավառում, սակայն չի կարողացել դա անել ավարտական քննություններում ցածր գնահատականի պատճառով, որն ստացել է 16 տարի առաջ: Սիդիքին նաեւ հայտարարել է, որ ցածր բալ է ստացել Հնդկաստանի պատմության դասընթացից, քանի որ դասախոսներն «անփութորեն» էին վերաբերվում պարապմունքներին:
Օքսֆորդի համալսարանում գանգատը համարում են չհիմնավորված, քանի որ Սիդիքիի ուսումնառության ավարտից շատ տարիներ են անցել:
Թերթը նշում է, որ եթե շրջանավարտը շահի դատը, դա կարող է նախադեպ դառնալ դատարանում եւ ճանապարհ բացել նմանօրինակ գանգատներով մյուս ուսանողների համար, հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
