Ռուսաստանը հնարավոր է` հրաժարվի Գաբալայի ՌՏԿ-ի վարձակալումից
Ռուսաստան
Ռուսաստանը հնարավոր է` հրաժարվի Գաբալայի ՌՏԿ-ից՝ վարձավճարի հարցում Ադրբեջանի դիրքորոշման պատճառով։ ՌԴ ռազմական գերատեսչությունը հիասթափված է Գաբալայի ՌՏԿ-ի վարձակալության պայմանագրի երկարաձգման շուրջ ընթացող բանակցությունների ընթացքից։
Ինչպես հաղորդում է 1news.az-ը, այդ մասին հինգշաբթի հայտնել է Ռուսաստանի պաշտպանության նախարարության ղեկավարությանը մոտ կանգնած աղբյուրը:
Աղբյուրը նշում է, որ Մոսկվային զարմացրել է ադրբեջանական կողմի այն անհիմն պնդումը, որն առնչվում է վարձավճարի բազմակի ավելացմանը:
Նա հավելել է, որ ադրբեջանական կողմի պահանջած գումարը համեմատելի է Ռուսաստանի տարածքում այդպիսի երկու նոր կայանի կառուցման արժեքի հետ:
«Բացի այդ, նշել է աղբյուրը, Գաբալայի ՌՏԿ-ն կարիք ունի խորը արդիականացման, որի իրագործումը պահանջում է ֆինանսական խոշոր միջոցներ: Հենց դրա համար էլ Ռուսաստանը ցանկանում էր Գաբալայի ՌՏԿ-ի վարձակալման ժամկետը երկարաձգել 10-15 տարով, որպեսզի ծախսվելիք գումարներն անտեղի չլինեն»:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
