«ՀԺ». 2016-ին ՌԴ-ից Հայաստան է մատակարարվել 2.6 տոկոսով քիչ բնական գազ. կան մի քանի պատճառներ
Հայկական Մամուլ
«Հայկական ժամանակ» թերթը գրում է.
«2016 թվականի ընթացքում ՌԴ-ից Հայաստանին մատակարարվել է 1.87 միլիարդ խորանարդ մետր գազ, ինչը 2.6 տոկոսով քիչ է 2015 թվականի ծավալներից: Ըստ ռուսական ԶԼՄ-ների, այս մասին խոսել են ՀՀ եւ ՌԴ վարչապետները:
Թե որն է գազի սպառման ծավալների նվազման պատճառը, առայժմ հայտնի չէ: Ներքին սպառման համար Հայաստանում օգտագործվում է միայն ու բացառապես ռուսական գազը: Եվ ծավալների նվազումը կարող է պայմանավորված լինել եղանակով, սպառողների գնողունակության անկմամբ, կամ էլ արդյունաբերական ձեռնարկությունների կողմից գազի սպառման ծավալների նվազեցմամբ:
Հիշեցնենք, որ այս տարվա հունվարի 1-ից «Գազպրոմ Արմենիայի» նախաձեռնությամբ գազի սակագինը ՀՀ սպառողների համար նվազեցվեց: «Գազպրոմ Արմենիան» հույս ունի, որ գազի էժանացումը կհանգեցնի սպառման ծավալների աճին»:
Առավել մանրամասն՝ թերթի այսօրվա համարում:
ՈՒՂԻՂ ԵԹԵՐ
Ամենադիտված 
Հայաստանը և Ադրբեջանը տարածքների փոխանակում պետք է իրականացնեն. Փաշինյան
