Աշոտ Աղաբաբյանն ու «անարդար աշխարհը»

Ո՞վ է Աշոտ Աղաբաբյանը. ՀՀԿ անդամ, ՀՀ ԱԺ պատգամավոր: Համենայն դեպս այդպես է գրված ՀՀ Ազգային Ժողովի պաշտոնական կայքում: Սակայն այդպես գրված է միայն կայքում, իսկ իրականում Աշոտ Աղաբայանը վաղուց չի հաճախում ԱԺ նիստերին: Ասում են, որ նա վաղուց նեղացած է հարազատ կուսակցությունից, քանի որ ՊԵԿ-ի կողմից ենթարկվել է խոշոր տուգանքի, իսկ հարազատ կուսակցությունում նրա գոյության մասին վաղուց մոռացել են:

Աշոտ Աղաղբայանը չի հասկանում, որ եթե ինչ-որ մեկի գոյության մասին մոռանում են, ապա դրանում մեղավոր է հենց ինքը, այլ ոչ թե մոռացողը: Աշոտ Աղաբաբյանը նաև չի հասկանում, որ ՊԵԿ-ի տուգանքներից իրեն պետք է պաշտպանի ոչ թե կուսակցությունը, այլ իր պարտաճանաչ, օրենքի տառին համապատասխան բիզնես-գործունեությունը, որը փաստորեն, չկա: Եթե խախտում ես օրենքը, ուրեմն պիտի տուգանվես, այդպես է պահանջում օրենքը, իսկ Աշժոտ Աղաբաբյանը չի ուզւոմ ենթարկվել օրենքին, բայց նաև ուզում է չտուգանվել: Ինչպես կասեր հայտնի դասականը, համ ուզում է կուսյ մնալ, համ հաճույք ստանալ:

Այժմ բոլորից նեղացած և մի մութ անկյունում ծվարած Աշոտ Աղաբաբյանը երբեմն հարցազրույցներ է տալիս՝ փորձելով հիշեցնել իր գոյության մասին, որի ժամանակ գնահատականներ է տալիս ներկայիս քաղաքական գործընթացներին, քաղաքական դաշտի ծանրքաշային գործիչներին: Երեկ նա կրկին մտքի փայալատակումներ է ունեցել, խոսել է Գագիկ Ծառուկյանի մասին, ինչով կրկին ապացուցել է բոլորից, աշխարհից հեռացած ու դառնացած լինելու իր հոգեվիճակը: Թե ինչո՞ւ են լրատվամիջոցները ընդհանրապես հարցազրույց վերցնում Աշոտ Աղաբաբյանից, այլ հարց է, բայց մեկ կա մեկ այլ կարևոր հարց: Ինչու է Աշոտ Աղաբաբյանը միշտ նույն երգը երգում, երբ խոսքը գնում է Գագիկ Ծառուկյանի մասին: Իսկ դա ունի իր հայտնի պատճառը:

Գագիկ Ծառուկյանի հիմնած «Առինջ մոլ» առևտրի կենտրոնում այսօր աշխատում են նախկինում «Հրազդան» տոնավաճառում աշխատած բազմաթիվ առևտրևականներ: «Հրազդան» տոնավաճառը, հիշեցնենք, պատկանում է Աշոտ Աղաբաբյանին: Իսկ ի՞նչն էր պատճառը, որ նրանք լքեցին «Հրազդան» տոնավաճառը և գնացին «Առինջ մոլ»: Պատճառը այն էր, որ Աշոտ Աղաբաբյանը որոշեց կտրուկ բարձացնել իր տոնավաճառի տաղավարների ամսական վճարը, ինչը հարուցեց օրվա հացի գումար վաստակող առևտրականների արդարացի դժգոհությունը: Նրանց խնդրին անհաղորդ չմնաց Գագիկ Ծառուկյանը և առաջարկեց իր օգնությունը: Առևտրականները լքեցին «Հրազդան» տոնավաճառը ու սկսեցին աշխատել Առինջ մոլում, անհամեմատ շահավետ պայմաններով, և աշխատում են առայսօր:

Աշոտ Աղաբաբյանը ժամանակին շատ ծանր տարավ այս փաստը, ու չի կարողաբում այդ խնդիրը մարսել մինչև հիմա: Աշոտ Աղաբաբյանը չի հասկանում, որ Գագիկ Ծառուկյանը այդ ամենում որևէ կապ չունի, որ այդ ամենի մեղավորը հենց ինքն է՝ Աղաբաբյանը, որը մի պահ որոշեց սեփական ֆինանսական խնդիրները բարդել առևտրով զբաղվողների վրա և բարձրացնել վարձավճարները և արդյունքում ստացավ այն ինչ ստացավ: Դա է պատճառը, որ մինչև հիմա Գագիկ Ծառուկյանի անունը լսելիս Աշոտ Աղաբաբյանի հին դարդերը իրար են գալիս, ճնշման տատանումներ են սկսում նրա մոտ և նա սկսում է նյարդային կերպով բարբաջել:

Առ այսօր մեղքը իր մեջ փնտրելու փոխարեն Աշոտ Աղաբաբյանը ապրում է նեղացած ու մոռացված, «դարդերը գինու մեջ խեղդելով»: Ի դեպ, վերջինը ոչ թե պատկերավոր արտահայտություն է, այլ իրականություն: Հայտնի փաստ է, որ Աշոտ Աղաբաբյանը ուղղակի կախվածություն ունի ալկոհոլից և նրան հաճախ կարելի է տեսնել գինովցած, հարբած: Ավելին, ԱԺ պատգամավորը հաճախակի հարբած հայտնվել է լրագրողների առաջ, հարբած վիճակում պատասխանել լրագրողների հարցերին՝ ամբողջովին մատնելով իր վիճակը, հարբած մասնակցել կարևոր նիստերի և այլն:

Կարծում ենք այսքանից հետո ցանկացած կուսակցություն նման գործչին պետք է դուրս մղեր իր շարքից, սակայն այս դեպքում նույնպես Աշոտ Աղաբաբյանը պատճառը իր մեջ փնտրելու փոխարեն նեղանում է հարազատ կուսակցությունից: Մի խոսքով Աշոտ Աղաբայանը նեղացած է ՀՀԿ-ից, նեղացած է ՊԵԿ-ից, նեղացած է Գագիկ Ծառուկյանինց, նեղացած է լրագրողներից, նեղացած է ԱԺ-ից, նեղացած է աշխարհից և միայն ալկոհոլն է դարձել նրա միակ մխիթարանքը:

Իրոք տխուր իրավիճակ է ստեղծվել նրա համար, բայց այսքանից հետո գտնմվում են լրատվամիջոցներ, որ նրանից հարցարզւոյց են վերցնում և հրապարակում: Աշոտ Աղաբաբյանը դրանից շահում է, քանի որ հիշեցնում է իր մասին, իսկ լրատվամիջոցը տուժում՝ անկում գրանցելով սեփական վարկանիշում:

Աղբյուրը՝ realnews.am