Սոբչակը չի վարի Муз-ТВ-ի մրցանակաբաշխությունը

Ռուս հեռուստահաղորդավարուհի Քսենիա Սոբչակին հեռացրել են Муз-ТВ հեռուստաալիքի մրցանակաբաշխության արարողության հաղորդավարի աշխատանքից:

Այս միջադեպից հետո Քսենիան Twitter-ի իր միկրոբլոգում գրել է. «Ես հարց եմ տալիս` ինչու: «Դու ինքդ հասկանում ես: Մենք չէինք ուզում, բայց զանգեցին»: Ինչքան մանր է այս ամենը... Իմացեք` ես չեմ հիվանդացել»:

Սոբչակը պնդում է, որ մրցանակաբաշխության` իր լուսանկարով գովազդային պաստառը` մայիսի 15-ի ամսաթվով, դեռևս պահպանված է Yandex որոնողական համակարգում: Սակայն, կայքէջի նոր տարբերակում հեռուստահաղորդավարուհու մասին չի հիշատակվում:

Նշենք նաև, որ Муз-ТВ հեռուստաալիքի ամենամյա մրցանակաբաշխությունը Սոբչակը վարել է 2007 թվականից: