Էյֆելյան աշտարակի շուրջն ապակե պատ կկանգնեցնեն ահաբեկիչներից պաշտպանվելու համար. Le Parisien

Ֆրանսիայի մայրաքաղաքում Էյֆելյան աշտարակը, անվտանգության նկատառումներից ելնելով, կշրջափակեն անգնդակաթափանց ապակե պատով: Այդ մասին հայտնել է Le Parisien թերթը:

Հրատարակության տվյալներով՝ 2,5 մետր բարձրությամբ պատը կկառուցվի արդեն այս աշնանը: Շինարարության արժեքը, որը կոչված է պաշտպանել ահաբեկչական սպառնալիքից, գնահատվում է 20 մլն եվրո:

Էյֆելյան աշտարակի շահագործման ընկերության (SETE) ղեկավար Բեռնար Գոդիերը ճշտել է, որ խոսքը «անգնդակաթափանց պատնեշի մասին է, որը կընդգրկի Էյֆելյան աշտարակի շրջակա այգիների մեծ մասը»:

Փարիզի 7-րդ օկրուգի քաղաքապետ Ռաշիդ Դատիի վարչակազմը չի պատասխանել այս տեղեկատվությունը մեկնաբանելու թերթի հարցմանը:

Դեկտեմբերի կեսին Ֆրանսիայի խորհրդարանը մինչեւ 2017 թվականի հուլիսի 15-ը երկարացրել է երկրում 2015 թվականի նոյեմբերի 13-ի կատարված ահաբեկչությունից անմիջապես հետո սահմանված արտակարգ դրության ռեժիմը, հաղորդել է ՏԱՍՍ գործակալությունը:
Լուսանկարը' EPA