Արա Օսկանյանի հետ տեղի ունեցածը թյուրիմացություն է. փաստաբան

Ինչպես տեղեկացրել էինք ավելի վաղ, ՀՀ քննչական կոմիտեն տեղեկություն էր տարածել այն մասին, որ անձի առևանգման և սպանության սպառնալիքի կասկածանքով ձերբակալվել են Վարդան Օսկանյանի տղան ու նրա բարեկամը:

Փաստաբան Տիգրան Աթանեսյանը Ֆեյսբուքյան իր էջում անդրադառնալով այս հարցին՝ գրում է.

«Հարգելի ընկերներ, հատկապես իմ լրագրող ընկերներ։ Խնդրում եմ պահպանեք անմեղության կանխավարկածը իմ պաշտպանյալ Արա Օսկանյանի նկատմամբ։ Տեղի ունեցածը թյուրիմացություն է և մի երիտասարդի անտեղի վառ երևակայության հետևանք։ Եթե գործընթացներն ընթանան զուտ իրավական դաշտում, ինչպես իմ կարծիքով, մինչ այս պահն է ընթանում, ապա շուտով ամենինչ կպարզվի և Արան կլինի ազատության մեջ»։