Հրդեհ Նոր Հաճնում. փայտյա բնակելի շինությունն ամբողջությամբ այրվել է

Հայաստանի ԱԻՆ-ում, այսօր՝ փետրվարի 21-ին, ժամը 10:15-ին ահազանգ է ստացվել, որ հրդեհ է բռնկվել Կոտայքի մարզի Նոր Հաճն քաղաքի Պ. Սեւակ 4-րդ թաղամասի տներից մեկում:

Ինչպես տեղեկանում ենք ԱԻՆ պաշտոնական կայքից, դեպքի վայր է մեկնել մեկ մարտական հաշվարկ:

Պարզվել է, որ հրդեհը բռնկվել է Պ. Սեւակ թաղամասի 3-րդ փողոցի տներից մեկին հարակից հողատարածքում՝ բնակելի փայտյա շինությունում (մոտ՝ 80 քմ):

Հրդեհը մեկուսացվել է ժամը 11:15-ին, մարվել՝ 13:17-ին:

Այրվել է փայտյա շինությունը՝ գույքով (մոտ 60 քմ):