Չուրկինի մահվան կապակցությամբ սգո միջոցառումները տեղի կունենան փետրվարի 24-ին, Մոսկվայում
Ռուսաստան
ՄԱԿ-ում Ռուսաստանի մշտական ներկայացուցիչ Վիտալի Չուրկինի մահվան կապակցությամբ սգո միջոցառումները տեղի կունենան փետրվարի 24-ին, Մոսկվայում: Այս մասին հայտարարել է ՌԴ-ի արտաքին գործերի նախարարության պաշտոնական ներկայացուցիչ Մարիա Զախարովան:
«Փետրվարի 22-ին Վիտալի Չուրկինի դիով դագաղը կուղարկվի Ռուսաստան, այն պետք է Մոսկվա հասնի փետրվարի 23-ին Ռուսաստանի ավիագծերի կանոնավոր չվերթով՝ հարազատների ուղեկցությամբ»,- ասել է նա:
«Մոսկվայում սգո միջոցառումները, որոնց ընթացքում մեր ժողովուրդը կկարողանա հրաժեշտ տալ Վիտալի Չուրկինին, պլանավորված են փետրվարի 24-ին»,- հայտնել է Զախարովան՝ նշելով, որ սգո միջոցառումների անցկացման ստույգ ժամանակի եւ վայրի մասին ԱԳՆ-ն կհայտնի ավելի ուշ:
Նա նաեւ հայտնել է, որ Նյու Յորքում ՄԱԿ-ի մշտական ներկայացուցչությունում բացված է ցավակցությունների գիրք, առաջին գրառումներն այնտեղ արել ԱՄՆ-ում հավատարմագրված՝ ԱՊՀ-ի դեսպանները, ՄԱԿ-ի քարտուղարության ներկայացուցիչները:
Դիվանագետը վախճանվել է փետրվարի 20-ին Նյու Յորքում: Փետրվարի 21-ին կլրանար նրա 65 տարին: ՄԱԿ-ում ՌԴ-ի մշտական ներկայացուցչի պաշտոնը Չուրկինն զբաղեցրել է 2006 թվականի ապրիլի 8-ից, հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
