Ով է Շիրակի նոր փոխմարզպետ Խաչատուր Վարագյանը

Այսօր Վարչապետ Կարեն Կարապետյանը որոշում է ստորագրել, որով Խաչատուր Վարագյանին նշանակել է Շիրակի փոխմարզպետ:

Վարագյանը վերջերս է դուրս եկել ՀՀԿ-ից և առաջիկա ընտրություններում ՀՅԴ ռեյտինգային ցուցակով առաջադրվել է Շիրակի մարզում:

Մինչ փոխմարզպետի պաշտոնում նշանակվելը, Վարագյանը գլխավորել է «ՀայՌուսգազարդ»-ի Շիրակի մարզային վարչությունը, եղել է Արթիկի քաղաքապետ:

Նորանշանակ փոխմարզպետի եղբայրը Մխիթար Վարագյանն է, Արթիկի ներկայիս քաղաքապետը, «Հանրապետական» կուսակցության անդամ:

Մամուլում տարածված տեղեկությունների համաձայն՝ Խաչատուր Վարագյանը նեղացած է ՀՀԿ-ից և ՀՅԴ-ին խոստացել է 10 հազար ձայն բերել փոխմարզպետ դառնալու դիմաց:

Ի դեպ, Վարագյան եղբայրները մտերիմ կապեր ունեն նաև նախկինում ՀՀ գլխավոր դատախազ, ներկայում՝ ՀՀ Քննչական կոմիտեի նախագահ Աղվան Հովսեփյանի հետ:

Իսկ Արթիկ քաղաքի «Վարագատուն» եկեղեցական համալիրը կառուցվել է եղբայրների ֆինանսավորմամբ:

Արաքս Առաքելյան