Մոնիկա Բելուչին՝ տղամարդկանց մասին
Համաշխարհային Մամուլ
Հայտնի իտալացի դերասանուհի Մոնիկա Բելուչին, ով մասնակցում էր «Ֆեստ» 45-րդ կինոփառատոնին, ցնցել է սերբ հանդիսատեսին՝ ուժեղ սեռի մասին ծայրահեղ վատ արտահայտվելով: Այս մասին, ԼՈւՐԵՐ.com-ի փոխանցմամբ, հաղորդել է սերբական «Բլից» թերթը, հաղորդում է ՏԱՍՍ-ը:
«Տղամարդիկ անասուններ են» հայտարարել է Բելուչին, ի պատասխան լրագրողների խնդրանքի՝ ինչ-որ բան ասել սերբերեն: Դրանից հետո դերասանուհին հեռացել է, լիակատար շփոթմունքի մեջ թողնելով լրագրողներին: Սերբական թերթերը հաջորդ օրը լույս են տեսել հետեւյալ վերտառությամբ. «Առաջվա նման կսիրե՞ն արդյոք տղամարդիկ Մոնիկային՝ այդ խոսքերից հետո»:
Թվում էր՝ համընդհանուր սերը, որ վայելում էր Բելուչին տղամարդկանց կողմից, մազից է կախված, բայց ռեժիսոր Էմիր Կուստրիցան փրկել է հիասքանչ իտալուհու հեղինակությունը, ասելով, որ դա ընդամենը մի արտահայտություն է ֆիլմից, որում նկարահանվում է դերասանուհին: Ավելին՝ Կուստրիցան ասել է, որ Մոնիկայի զուգընկերոջ դերը խաղում է ինքը եւ իր կերպավորած հերոսն, ի պատասխան զուգընկերուհու հայտարարության, ֆիլմում ասում է. «համաձայն եմ, բայց ոչ բոլորը»:
Դրանից հետո, գրում է թերթը, տղամարդիկ ոչ միայն ներել են հմայիչ գեղեցկուհուն՝ իր արած արտահայտության համար, այլև յուրաքանչյուրն իր հոգու խորքում մտածում է, որ նրա արտահայտությունն իրեն չի վերաբերվում:
ՈՒՂԻՂ ԵԹԵՐ
Ամենադիտված 
Ողբերգական դեպք՝ Երևանում
