«Ռեալ»-ը հաղթեց խոշոր հաշվով (տեսանյութ)

Իսպանիայի առաջնության 26-րդ տուրում Մադրիդի «Ռեալ»-ը արտագնա խաղում խոշոր 4:1 հաշվով հաղթեց  «Էյբար»-ին:

Հյուրերը ընդմիջման գնացին երեք գոլի առավելությամբ. նախ Քարիմ Բենզեման դուբլ ձևակերպեց` աչքի ընկնելով 14-րդ և 25-րդ րոպեիներին, ապա 29-րդ րոպեին գոլային փոխանցում կատարեց Խամես Ռոդրիգեսին:

60-րդ րոպեին Մարկո Ասենսիոն հյուրերի գոլային առավելությունը հասցրեց 4-ի, իսկ 12 րոպե անց Ռուբեն Պենյան կրճատեց հաշիվը:

Այս հաղթանակից հետո Զիդանի թիմը 59 միավորով Լա լիգայի մրցաշարային աղյուսակի առաջատարն է: