Հենրիխ Մխիթարյանը` իր գոլի և «Յունայթեդ»-ի խաղի մասին

«Մանչեսթեր Յունայթեդ»-ի կիսապաշտպան Հենրիխ Մխիթարյանը Եվրոպայի լիգայի 1/8 եզրափկչում «Ռոստով»-ի հետ հանդիպումից հետո մեկնաբանել է խաղը:

«Փորձեցինք հաղթել: Խաղացինք այնքան լավ, որքան հնարվոր էր նման վատ դաշտում: Չեմ ցանկանում խոսել խոտածածկի մասին, քանի որ այն վատն էր երկու թինմերի համար էլ: Եթե խաղի ընթացքում թիմը հաղթում է նվազագույն հաշվով, ապա պետք է պատրաստ լինել ամեն ինչի: Գոլ բաց թողեցինք մեր սխալի պատճառով, սակայն առջևում պատասխան խաղն է», – Մխիթարյանի խոսքը մեջբերում է BBC Sport-ն:

Իր գոլի մասին խոսելիս, ֆուտբոլիստն ասել է, որ ուրախ է գոլ խփելու և վերադարձի համար:

«Ուրախ եմ վերադարձիս համար: Պատրաստ եմ կրկին ու կրկին գոլ խփել: Շնորհակալություն թիմակիցներիս»,- ֆուտբոլիստի խոսքը մեջբերում է Чемпионат-ը:

Նշենք, որ հանդիպումն ավարտվել է 1:1 հաշվով: