«Մագնիտսկու ցուցակը» չի հրապարակվի. ԱՄՆ Պետդեպ

ԱՄՆ Պետքարտուղարության մամլո խոսնակ Վիկտորիա Նուլանդը հայտարարել է, որ առաջիկայում չի հրապարակվի «Մագնիտսկու ցուցակը», ավելացնելով, որ այդ գործով մեղադրյալների նկատմամբ կիրառված պատժամիջոցները կպահպանվեն, հաղորդում է BBC–ն։

«Մենք շարունակում ենք նոր օրենքի քննարկումները Կոնգրեսում, որը հնարավորություն կտա փոխել այդ ցուցակում գտնվող մեղադրյալների նկատմամբ պատժամիջոցները։ Հուսով ենք, որ նոր օրենքը կծառայի հանուն մարդու իրավունքների ճանաչման մեր նպատակներին», – ասել է Նուլանդը Վաշինգտոնում կայացած ճեպազրույցում։

ԱՄՆ–ում Ռուսաստանի դեսպան Սերգեյ Կիսլյակը «Մագնիտսկու ցուցակի» վերաբերյալ օրենքի ընդունումը զգալի բացասական ազդեցություն կարող է ունենալ ԱՄՆ–ի և Ռուսաստանի միջև հարաբերություններում։

Նշենք, որ 2010–ին ԱՄՆ–ի սենատորների կողմից առաջարկած «Մագնիտսկու ցուցակի» օրինագծի ընդունումը ենթադրում է 60 ռուս բարձրաստիճան պաշտոնյաների նկատմամբ ԱՄՆ–ի մուտքի վիզայի չտրամադրում և բանկային հաշիվների սառեցում, որը կապված է 2009–ին բանտում անհայտ հանգամանքներում մահացած իրավաբան Սերգեյ Մագնիտսկու հետ։