Մխիթարյանը` «Չելսի»-ի դեմ կայանալիք դիմակայության մասին

«Մանչեսթեր Յունայթեդ»-ի կիսապաշտպան Հենրիխ Մխիթարյանն անդրադարձել է «Չելսի»-ի հետ Անգլիայի գավաթի խաղարկության քառորդ եզրափակչում կայանալիք խաղին:

«Հեշտ հանդիպում չի սպասվում: Հույս ունենք, որ մեզ մոտ ամեն ինչ կստացվի և կկարողանանք դրական արդյունքի հասնել: Նշանակություն չունի, թե որտեղ ենք խաղում, կարևորը լավ խաղալն է: Անիմաստ է «Չելսի»-ի հետ խաղից խուսափելը, քանի որ տիտղոսներ նվաճելու համար պետք է խաղաս նրանց բոլորի հետ»,- Մխիթարյանի խոսքը մեջբերում է մանչեսթերյան ակումբի պաշտոնական կայքը: