Թաթարստանի մուսուլմանների հոգևոր առաջնորդը լրագրող Ասլանյանից պարզաբանում է պահանջում վիրավորական խոսքերի համար

Թաթարստանի մուսուլմանների հոգևոր վարչությունը չի արդարացրել խուլիգանների գործողությունները, որոնք մի քանի օր առաջ հարձակվել էին «Էխո Մոսկվի» ռադիոկայանի լրագրող Սերգեյ Ասլանյանի վրա, սակայն Ռուսաստանի Գլխավոր դատախազությանը և Գլխավոր քննչական կոմիտեին լրագրող կողմից մուսուլմանների հասցեին վիրավորական արտահայություններ հնչեցնելու փաստով իրավական գնահատական տալ։

Ըստ հոգևոր առաջնորդ Խամիդուլինի, իրավապահ և քննչական մարմինները պետք է հանգամանորեն հետաքննել երկու իրադարձությունները՝ լրագրողի վրա հարձակման և Ասլանյանի կողմից արված արտահայությունների փաստով, հաղորդում է Interfax–ը։

Վերջինս ավալացրել է, որ իրենք արդեն համապատասխան դիմում են ներկայացրել ՌԴ Գլխավոր դատախազություն և քննչական կոմիտե։

Հիշեցնենք, որ Մոսկվայում անհայտ անձինք հարձակվել և դանակի մի քանի հարված էին հասցրել լրագրող Սերգեյ Ասլանյանին, որը անգիտակից վիճակում տեղափոխվել էր հիվանդանոց։ Հարձակումը, ըստ որոշ լրատվամիջոցների, կատարվել է Ասլանյանի հաղորդման ընթացքում նրա կողմից մուսուլման ժողովուրդների հասցեին հնչեցված վիրավորական արտահայտությունների պատճառով։