Սանկտ–Պետերբուրգում մեկնարկել է ԵՄ-Ռուսաստան գագաթնաժողովը

Սանկտ–Պետերբուրգում այսօր մեկնարկում է ԵՄ–Ռուսաստան 29–րդ գագաթնաժողովը։ Եվրոպական Միության պավիրակությունը ղեկավարում են Եվրոպայի խորհրդի ղեկավար՝ Հերման վան Ռումպեյը և Եվրահանձնաժողովի ղեկավար՝ Խոսե–Մանուել Բառոզոն։ Ռուսական պավիրակության ղեկավարն է՝ Ռուսաստանի նախագահ Վլադիմիր Պուտինը, նշված է ԵՄ–ի պաշտոնական կայքում։ 

Գագաթնաժողովի ընթացքում կողմերը քննարկելու են  առևտրա–տնտեսական համագործակցության հեռանկարները Ռուսաստանի՝ Արժույթի միջազգային հիմնադրամին անդամակցելու համատեքստում, էներգետիկ ոլորտում համագործակցությունը, որը մասնավորապես վերաբերում է Եմ–ի կողմից Տրանս–Կասպյան գազամուղի կառուցման ծրագրին։ Գագաթնաժողովի օրակարգում է նաև ատոմային էներգիայի հետ կապված մի շարք հարցեր։ 

Քննարկվելիք հարցերից է լինելու, առանց վիզային ռեժիմի Ռուսաստանի և ԵՄ երկրների քաղաքացիների կարճաժամկետ արտասահմանյան այցերը։ 

Հանդիպման ընթացքում բարձր մակարդակով քննարկվելու է միջազգային և տարածաշրջանային անվտանգության վերաբերյալ մի շարք հրատապ հարցեր՝ ինչպիսիք են Հյուսիսային Աֆրիկայում և Մերձավոր Արևելքի երկրներում (սկած Սիրիայից) ստեղծված իրավիճակը, Իրանի միջուկային ծրագիրը, ինչպես նաև Կորեական թերակղզում ստեղծված իրավիճակը։  

ԵՄ–Ռուսաստան գագաթնաժողով տեղի է ունենում 6 ամիսը մեկ անգամ՝ և՛ Ռուսաստանի, և՛ ԵՄ տարածքում, որի ընթացքում քննարկվում են երկկողմ համագործակցության արդյունքները և մի շարք հրատապ հարցեր։ 

Նշենք, որ ԵՄ–ը՝ Ռուսաստանի խոշոր առևտրա–տնտեսական մրցակիցներից է։ Այդ կառույցի անդամ երկրների արտաքին առևտրի ծավալներն ընդհանուր վերցրած՝ կազմում է Ռուսաստանի արտաքին առևտրի 50%–ը։ 2011–ին առևտրաշրջանառությունը հասել է մինչ 2008–ի համաշխարհային տնտեսական ճգնաժամի մակարդակին՝ կազմելով 394 միլիադր դոլար։ Իսկ ԵՄ–ի համար Ռուսաստանը 3–րդ խոշոր առևտրային գործընկերն է՝ ԱՄՆ–ից, Չինաստանից հետո, որի ծավալը կազմում է 9%։