Ուկրաինան ցանկանում է անկախություն ձեռք բերել «ռուսական գազից»

Ուկրաինայի բնապահպանության և բնական ռեսուրսների նախարարության ղեկավար Էդուարդ Ստավիցկին հայտարարել է, որ մինչև 2020 թվականը երկիրը «գազային անկախություն» ձեռք կբերի Ռուսաստանից։

«Եթե մենք ամեն ինչ անենք այնպես, ինչպես ծրագրել ենք, ուրեմն ես չեմ սխալվի»,– ասել է նախարարը «Շաբաթվա հայելին. Ուկրաինա» պարբերականին տված հարցազրույցում։

«Այսօր ներկրվող գազի դիմաց մեր վճարած գինը խոչընդոտում է մեր զարգացմանը։ Եվ դա, մեղմ ասած, զայրացնում է մեզ բոլորիս։ Մենք ցանկանում ենք ազատվել այդ խոչընդոտից»,– ավելացրել է Ստավիցկին։