Ցանցահենների գրոհները ՌԴ ՆԳՆ-ից տեղեկատվության արտահոսքի չեն հանգեցրել

ՌԴ ներքին գործերի նախարարության կառույցների վրա վիրուսային գրոհները հետաքննվում են Անվտանգության դաշնային ծառայության ներգրավմամբ, մայիսի 21-ին «Ինտերֆաքս»-ին հայտնել են ՌԴ ՆԳՆ մամուլի կենտրոնում։

«Ռուսաստանի ՆԳՆ տեղեկատվական ռեսուրսների տեղեկատվության արտահոսքն իսպառ բացառված է։ Ներկայում գերատեսչության տեղեկատվական համակարգերն աշխատում են սովորական ռեժիմում»,- տեղեկացրել են մամուլի կենտրոնում։

Ինչպես հաղորդվում է, հայտարարությունում նաև նշվում է, որ ՌԴ ՆԳՆ-ն պլանային կարգով իրականացվում է անցումը ռուսաստանյան սարքա-ծրագրային միջոցներին։

«Ի լրումն տեղադրված «Էլբրուս» սերվերների՝ ճանապարհային տեսչության ստորաբաժանումները և պետական ծառայությունների մատուցման կետերը կզինվեն ռուսաստանյան «Բայկալ» պրցեսորի հիմքով կառուցված աշխատանքային կայաններով»,- հայտնել են մամուլի կենտրոնում։

ՆԳՆ-ում նար հայտարարել են, որ գերատեսչության սերվերային ռեսուրսները չեն վարակվել՝ «Էլբրուս» ռուսաստանյան սերվերներով և գործառնական համակարգերի կիրառման շնորհիվ։

Մայիսի 12-ին ՌԴ ՆԳՆ-ում գրանցվել է վիրուսային գրոհ գերատեսչության անհատական համակարգիչների վրա, որոնք աշխատել են Windows գործառնական համակարգով։ Ժամանակակին ձեռնարկված միջոցների շնորհիվ արգելափակվել է 1000-ի կարգի համակարգիչ։ վարա

Մի քանի օրվա ընթացքում WannaCry դրամաշորթ-ծրագիրն արգելափակել է առնվազն 200 հազար համակարգիչ 150 երկրում։ WannaCry-ը գաղտնագրում է օգտատիրոջ նիշքերը (ֆայլեր), ինչից հետո դրանց օգտագործումն անհնար է դառնում։ Գաղտնազերծման համար օգտատերերից փրկագին են պահանջում։