Սարսափելի պատահար Չելյաբինսկում. 9 զոհերի մեջ երկու հայ եղբայր են իրենց երեխաների հետ (տեսանյութ, լուսանկարներ)

Չելյաբինսկի շրջանում տեղի ունեցած ողբերգական պատահարի արդյունքում հայեր են զոհվել:

Դեպքը գրանցվել է տեղական ժամանակով գիշերը 03:00-ի սահմաններում:

Վանաձորցի եղբայրները իրենց երկու երեխաների հետ զբոսնելիս են եղել նավակով, որի մեջ նաև նրանց բարեկամներն են եղել:

Նավակը խորտակվել է, ինչի արդյունքում նավակի մեջ գտնվողներից շատերը հայտնվել են նավակի տակ: Օգնության են հասել տարածքում գտնվող ևս երկու հոգի, ովքեր նույնպես զոհվել են:

Տեղի փրկարար ծառայութունը շարունակում է որոնողական աշխատանքները: Նավակի մեջ եղել է ընդհանուր առմամբ 9 հոգի:

Տեղի իրավապահ մարմինները հաստատել են 7 հոգու մահվան փաստը՝ 3 տղամարդու, 10 տարեկան աղջկա, 2, 8 և 15 տարեկան տղաների:

Այս պահին փնտրվում է ևս 2 զոհվածի մարմին:

Հարուցվել է քրեական գործ՝ անվտանգության կանոների խախտման հիմքով: Մեր տեղեկություննեով՝ զոհված տղամարդիկ հայ եղբայրներ են՝ իրենց երկու երեխաների հետ միասին, ովքեր ՌԴ էին տեղափոխվել վերջին մի քանի տարում:

Նյութի աղբյուրը՝ armlur.am