Հայ ըմբիշները երկու բրոնզե մեդալ են նվաճել Սուրդլիմպիկ խաղերում

Հունահռոմեական ոճի երկու հայ ըմբիշներ Թուրքիայի Սամսուն քաղաքում ընթացող 23-րդ ամառային Սուրդլիմպիկ խաղերում դարձել են բրոնզե մեդալակիրներ:

Պատվո հարթակին են կանգնել Ժորա Գրիգորյանը (71 կգ) եւ Նարեկ Նիկողոսյանը (81 կգ):

Ավելի վաղ՝ ձյուդոիստ Ռոբերտ Գեւորգյանը 60 կգ քաշային կարգում դարձել էր արծաթե մեդալակիր: Այս մասին տեղեկացնում է ՀԱՕԿ-ի կայքը:

Թուրքիայում Հայաստանի հավաքականը ներկայացված է 10 ըմբիշով եւ երկու ձյուդոիստով:

Սուրդլիմպիկ խաղերին մասնակցում են 90 երկրի մարզիկներ: Թիմային հաշվարկում Հայաստանը զբաղեցնում է 16-րդ տեղը: