Ուրալում կանխվել է հայերի և ուզբեկների միջև զինված բախումը

Ռուսաստանի Ուրալ քաղաքում (Սվերդլովսկի մարզ) ոստիկաններին հաջողվել է կանխել տեղի հայերի և ուզբեկների միջև զանգվածային զինված բախումը, հաղորդում է Interfax–ը։ 

Ծեծկռտուքին պետք է մասնակցեր մոտ 70 մարդ։ Կազամկերպիչները և 18 ակտիվիստներ ձերբակալվել են։ Հայտնի է դարձել, որ ծեծկռտուքին ուզբեկների կողմից նախատեսված է եղել նաև Չելյաբինսկի և Կուրգանսկի մարզի 50-60 հոգուց բաղկացած օգնական խմբի ժամանում։ 

Ձերբակալվածների մոտից հայտնաբերվել են մահակներ, բենզինի տարաներ, տրավմատիկ, գազային և հրազենային ատրճանակներ։ Ըստ ոստիկանության, կոնֆլիկտը երկու ազգերի ներկայացուցիչների միջև ծագել է ապրիլի 29-ին՝ տեղի սրճարաններից մեկում։ Ապրիլի 30–ին անհայտն անձինք հարձակվել են երկու ուզբեկների վրա, որոնք տեղափոխվել են հիվանդանոց։ Այնուհետև հունիսի 4–ին հրազենային վնասվածքով հիվանդանոց է տեղափոխվել տեղի հայերից մեկը։ Վերջինս ոստիկանությանը հայտնել է, որ իր մեքենային վրա կրակել են անհայտ անձինք։