Պայքար հայ ծովանկարչի համար. Պորոշենկոն հայտարարել է, որ Այվազովսկին ուկրաինացի նկարիչ է՝ նրան հիշեցրել են Ռուսական կայսրության մասին

Ուկրաինայի պրոզիդենտ Պյոտր Պորոշենկոն հայ ծովանկարիչ Հովհաննես Այվազովսկու ծննդյան 200-ամյակի առիթով հայտարարել է, որ նա ուկրաինացի նկարիչ է: Ի պատասխան՝ Այվազովսկու անվան  թեոդոսովյան  պատկերասրահից Ուկրաինայի պրոզիդենտին հիշեցրել են, որ ծովանկարիչը ծնվել եւ ապրել է Թեոդոսիայում, որն այն ժամանակ պատկանել է Ռուսական կայսրությանը:

«200 տարի առաջ՝ այս օրերին, Թեոդոսիայում ծնվեց անվանի նկարիչը: Հպարտանում ենք մեր ժառանգուաթյամբ»,-իր ֆեյսբուքյան էջում գրել է Պորոշենկոն՝ նշելով «փառք Ուկրաինային» հեշթեգը:

Այդ առիթով արդեն մեկնաբանություններ են եղել: Ինչպես ԶԼՄ-ների ներկայացուցիչներին հայտնել է Այվազովսկու անվան  թեոդոսովյան  պատկերասրահի ավագ գիտաշխատող Օլգա Գումանը, անվանի ծովանկարիչը ծնվել եւ ապրել է Թեոդոսիայում, որն այն ժամանակ պատկանել է Ռուսական կայսրությանը: Դրանից բացի, նա նկարչական կրթություն է ստացել Սանկտ Պետերբուրգում:

«Որոշ ժամանակ առաջ, երբ հրատարակվեց Ուկրաինական արվեստի պատմության դասագիրքը, այնտեղ Բորովիկովսկին ու Տրոպինինը նույնպես նշված էին որպես ուկրաինական նկարիչներ: Այն շրջանում, երբ Ղրիմը պատկանում էր Ուկրաինային, Այվազովսկին նույնպես դարձավ ուկրաինական նկարիչ, բայց, իհարկե, Այվազովսկին սովորել է Պետերբուրգի գեղարվեստի ակադեմիայում եւ դաստիարակվել ռուսական նկարչական դպրոցի ավանդույթներով»,- ասել է Օլգա Գումանը: