Պուտինը ստորագրել է հանրահավաքների անցկացման կարգը խախտելու դեպքում պատասխանությունը խստացնող օրենքը

Ռուսաստանի նախագահ Վլադիմիր Պուտինը հանդիպման դատական համակարգի բարեփոխումների թեմայով կազմակերպված հանդիպման ընթացքում հայտարարել է հանրահավաքների անցկացման կարգի և դրանք խախտելու դեպքում սահմանվող տույժերի չափի մասին օրենքը ստորագրելու մասին, հաղորդում է Ռիա նովոստին։ 

Պետդուման հունիսի 5-ին երկրորդ և երրորդ ընթերցմամբ ընդունել էր օրինագիծը, իսկ հունիսի 6-ին Դաշնային խորհուրդը հաստատել էր այն, որից հետո փաստաթուղթը սպասում էր Ռուսաստանի նախագահի ստորագրմանը։

Օրենքը, մասնավորապես, տասնապատիկ անգամ ավելացնում է հանրահավանքերի անցկացման կարգը խախտելու տուգանքի չափը։ Օրենքը խախտողների նկատմամբ հարկադիր աշխատանքի պատիժ է կիրառվում, հանրահավաքներին արգելվում է դիմակներով մասնակցել, ինչպես նաև օրենքով մի շարք այլ պատժամիջոցներ է նախատեսվում այն կազմակերպությունների նկատմամբ, որոնք չարտոնված հանրահավանքեր և քաղաքական զբոսանքներ կկազմակերպեն, ինչի պատճառով կարող է հասարակական կարգի խախտում արձանագրվել։