ՌԴ բանակն ամբողջապես ձերբազատվել է ՏՏ ոլորտում ներմուծման կախվածությունից. Մաքսիմ Բեց

 ՌԴ Զինված ուժերն ամբողջապես ձերբազատվել են տեղեկատվական տեխնոլոգիաների ոլորտում ներմուծման կախվածությունից։ Այս մասին օգոստոսի 27-ին հայտնել է ՌԴ պաշտպանության նախարարության տեղեկատվական և հեռահաղորդակցական տեխնոլոգիաների զարգացման գլխավոր վարչության պետ Մաքսիմ Բեցը։

Ինչպես տեղեկացնում է ՏԱՍՍ-ը, նրա խոսքով՝  տասը տարվա ընթացքում Ռուսաստանի արդյունաբերությունը նշանակալի քայլ է կատարել ժամանակակից տեղեկատվական տեխնոլոգիաների մշակման բնագավառում։

«Այսօր կարելի է վստահությամբ ասել, որ ՌԴ Զինված ուժերը նշված բնագավառում ամբողջապես ձերբազատվել են ներմուծման կախվածությունից։ Դա  հաստատեց նաև «Բանակ 2017» համաժողովը»,- ասել է Բեցը կլոր սեղանի ավարտին, որը նվիրվել է ՌԴ ՊՆ շահերի համար ամպային տեխնոլոգիաների կիրառման հարցերին և անցկացվել «Բանակ 2017» միջազգային ռազմատեխնիկական համաժողովին։

Նա հիշեցրել է, որ համաժողովի աշխատանքին մասնակցում է ավելի քան 1.2 հազար ձեռնարկություն և կազմակերպություն, որոնք ներկայացնում են ավելի քան պաշտպանության և անվտանգության բնագավառի 18 հազար մշակում և տեխնոլոգիա։

Լուսանկարը՝ - rusarmyexpo.ru