Խասավյուրտում հատուկ գործողության ժամանակ երկու ռուս իրավապահ է զոհվել

Ռուսաստանի Խասավյուրտ քաղաքի ծայրամասում իրավապահները կրակահերթեր են փոխանակել հանցագործների հետ: Ինչպես հաղորդում է «ՌԻԱ Նովոստի»-ն, այս մասին տեղեկացնում է Ռուսաստանի ազգային հակաահաբեկչական կոմիտեն:

Կրակահերթերի արդյունքում սպանվել է մեկ և վիրավորվել ևս մեկ իրավապահ:

Խասավյուրտի բանդայից երկու հանցագործներ չեզոքացվել են: Ավելի ուշ հայտնի է դարձել, որ վիրավոր իրավապահը մահացել է:

Դեպքի առնչությամբ քննություն է ընթանում: