ՌԴ Անվտանգության խորհրդի քարտուղարը մեկնել է Բաքու

ՌԴ Անվտանգության խորհրդի քարտուղարը Ադրբեջանի նախագահի աշխատակազմի ղեկավար Ռամիզ Մեհդիեւի հետ քննարկել է կրոնական ծայրահեղականության դեմ պայքարի հարցերը։

ՌԴ Անվտանգության խորհրդի մամուլի ծառայությունից հայտնում են, որ Պատրուշեւն ու Մեհդիեւը Բաքվում անվտանգության հարցերով խորհրդակցություն են անցկացրել։

«Քննարկվել են տարածաշրջանային անվտանգության հարցերը, կրոնական ծայրահեղականության եւ ահաբեկչության դեմ պայքարի իրականացումը, ինչպես նաեւ միջազգային տեղեկատվական անվտանգության ոլորտում երկկողմ համագործակցությունը»,– ասված է հաղորդագրության մեջ։