Սկանդալ Մոսկվայի խանութում. հայկական դոշաբը ադրբեջանական «այրոց» է առաջացրել
Ռուսաստան
Մոսկվայի խանութներից մեկում աղմկահարույց պատմություն է ծավալվել հայկական արտադրության դոշաբի պատճառով: Այս մասին Sputnik Արմենիային հայտնեց «Արցախ ֆրուտ» ընկերության ղեկավար Արմեն Ծատրյանը:
Տեղի ունեցածի մասին Ծատրյանն իմացել է մամուլից: Խանութի տերերը (ինչպես այս, այնպես էլ այլ խանութների) նրան չեն անհանգստացրել և չեն խնդրել պիտակը փոխել:
«Մեր ապրանքը վաճառվում է Մոսկվայի խոշոր սուպերմարկետներում։ Տասնյակ ազգերի մարդիկ են մտնում այնտեղ, բայց նման միջադեպեր միայն ադրբեջանցիներն են հրահրում», — նկատել է նա:
Նա նշեց, որ անցյալ տարի ևս բախվել են նման խնդրի:
«Բայց սա դեռ ոչինչ: Մեր կայքն են նույնիսկ կոտրել, ֆեյսբուքյան էջը: Վերականգնեցինք, իհարկե, բայց մեր ընկերությունը փոքր է, կայքը լավ պաշտպանել չենք կարող: Իսկ Ադրբեջանում հայկական կայքերը գրոհելու համար հաքերների մի ամբողջ բանակ է աշխատում», — ասաց Ծատրյանը:
Ադրբեջանցիները հազարավոր դոլարներ ծախսելով` փորձում են հայկական դոշաբի «համը հանել», այնինչ միայն գինն են բարձրացնում։
«Դե, ինչ ասեմ… հակագովազդը նույնպես գովազդ է», — ժպտաց նա:
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
