Ан-2-ի որոնման համար հետախուզվել է 265 հազար քառակուսի կիլոմետր տարածք

Ռուսաստան 18 Հունիս, 2012 15:24

Փրկարարները հետախուզել են 265 հազար քառակուսի կիլոմետր տարածք Սվերդլովսկի շրջանում մեկ շաբաթ առաջ անհետացած Ан-2 ինքնաթիռի որոնման նպատակով: Ինչպես հայտնում է Ռուսաստանի արտակարգ իրավիճակների նախարարության ճգնաժամային իրավիճակների կառավարման Ազգային կենտրոնի ներկայացուցիչը, ինքնաթիռը դեռևս չի հայտնաբերվել:

Հունիսի 11-ին ժամը 23.00-ին Սերով քաղաքի օդանավակայանից «Ավի-Ազով» ավիաընկերության Ан-2 ինքնաթիռն անհետացել է անհայտ ուղղությամբ: Նախնական տվյալներով ինքնաթիռում են գտնվել 12 ուղևոր և օդաչուն: ինքնաթիռի հետ հնարավոր չէ կապ հաստատել:

«Հետախուզվել է 264.61 հազար քառակուսի կիլոմետր, սակայն ոչ մի արդյունք չի եղել»,-ասել է ճգնաժամային իրավիճակների կառավարման ազգային կենտրոնի ներկայացուցիչը:

Նրա խոսքերով, որոնման աշխատանքներին ներգրավված են ավիացիան և ցամաքային խմբավորումը (13 ինքնաթիռ և 98 ցամաքային խմբավորումներ) կազմելով 1.5 հազար մարդ: Ըստ РИА Новости-ի՝ նրանց մեջ կան փրկարարներ, ՆԳՆ-ի աշխատակիցներ, որսորդներ, ձկնորսներ, տուրիստներ, ինչպես նաև 281 միավոր տեխնիկա, 6 ուղղաթիռ և ինքնաթիռ: Ստեղծվել է նաև 15 հետիոտն խմբավորում: Որոնումներն ընդգրկել են մեծ մակերես:

1984-1986 թվականներին կառուցված ինքնաթիռը պատկանում է Չելյաբինսկի տարածաշրջանում գրանցված կոմերցիոն ընկերությանը:

Ինքնաթիռի կորստի փաստով հարուցվել է քրեական գործ անվտանգության օրենքների խախտման և օդային տրանսպորտի շահագործման համար:

Հոդվածի վավերացումը նախատեսում է մինչև 7 տարվա ազատազրկում: