Սեւանա լճի մակարդակը նախորդ հունվարից ցածր է մնում 3 սանտիմետրով

 Սեւանա լճի մակարդակը 2018 թվականի հունվարի տասի դրությամբ ծովի մակերեւույթից գտնվել է 1900 մետր 42 սանտիմետր բարձրության վրա: Ինչպես ԼՈՒՐԵՐ.com-ին տեղեկացրին ՀՀ ԱԻՆ «Հայհիդրոմետ» ծառայությունից, գրանցված նիշը 3 սանտիմետրով զիջում է նախորդ տարվա հունվարի սկզբների նիշին:

Լճից ելքերը զրոյական են, իսկ մուտքերը շատ աննշան, քանի որ Արփա-Սեւան թունելային ջրատարով այս տարում դեռ ջուր չի տեղափոխվել, իսկ Սեւան թափվող գետերը գտնվում են ձմեռային սակավաջուր փուլում: